Pas disa vitesh karrierë në Abc News, gazetarja Mirela Milori vendos të mos jetë më pjesë e edicioneve të lajmeve. Kjo pasi ajo do të ketë një angazhim në Tv Klan, ku do të ketë një emision të vetin.

“Historia ime”, është emisioni që ajo do të moderojë, ku do të trajtojë histori dhe tema të ditës. Milori, e cila është bashkautore e këtij formati, do të shfaqet çdo ditë në ekranin e Tv Klan, si dhe në ABC News, ku do të moderojë “Mbrëmje në ABC news”. Lajmin e ka ndarë vetë Milori në rrjetet e saj sociale, ku njofton miqtë për këtë lëvizje të re në karrierën e saj.

‘’Miq! Nga e hena do te nis nje angazhim ne TV Klan, nje emision social me titull “ Historia ime”! POR, do te vazhdoj te ndaj “Mbremje ne ABC”, pra mbremjen informative me ju ne ABC News! Wish me luck! Love u all!!”, shkruan gazetarja në rrjetet sociale.