Pas disa vjedhjeve të kryera në banesat e Kuçovës, efektivët kanë arrestuar mbrëmjen e sotme autorin e dyshuar, 40-vjeçarin Alvaro Jani Merka.
Vjedhjet janë kryer të gjitha në muajin prill të këtij viti dhe çdo vjedhje kryhej gjatë natës, nëpërmjet shqyerjes së dyerve kryesore të banesave.
Merka është identifikuar nëpërmjet kamerave të sigurisë së banesave ku edhe ka kryer vjedhjet dhe mbrëmjen e sotme ka rënë në prangat e policisë.
Vetëm gjatë muajit prill 2022 ai ka vjedhur tri banesat e shtetasve: Agim Qorraj, Fatmir Minxha dhe Nikollaq Ndina, të tria në lagje të ndryshme të qytetit të Kuçovës.
Burimet zyrtare të policisë konfirmojnë se 40-vjeçari ishte i mirëinformuar për sendet me vlerë dhe bizhuteritë që ndodheshin në banesat ku hynte për të kryer vjedhjet.