Një sasi lënde narkotike është sekuestruar nga policia italiane, ndërsa janë arrestuar edhe 10 persona. Njëri prej tyre rezulton të ishte shqiptar, kontraktor i grupit që merrej me gjetjen e klientelës.
Në pranga kanë përfunduar dy italianë, një shqiptar dhe 7 marokenë. Grupi hetimor ka goditur grupin e drogës, teksa në zonë Pesaro Urbino ishte në rritje shitja e kokainës dhe konsumi i hashashit.
Hetimet kanë zbuluar, se droga fshihej nga një maroken, i arrestuar. Hetuesit zbuluan më shumë se gjysmë kg kokainë me vlerën e 50 mijë eurove dhe gjysmë kg hashash.
Dy banorët italianë luanin rolin e korrierëve, ndërsa shqiptari luante rolin e kontraktuesit. Grupi shiste lëndët narkotike kryesisht në Fano dhe në Fossombrone.
