Italia ka nisur kontrollet në aeroportin e Romës, për raste të mundshme të koronavirusit të ri me simptoma të pneumonisë, që u shfaq për herë të parë në Kinë, deklaruan sot autoritetet shëndetësore italiane.
“Mundësia e përhapjes së virusit në Bashkimin Europian është e ulët, por nuk mund të përjashtohet”, deklaroi ministria e Shëndetësisë në Romë.
Në aeroportin “Fiumicino” të Romës po merren masa për të kontrolluar rastet e mundshme të dyshuara gjatë fluturimeve nga metropoli kinez Wuhan, ku u shfaq virusi që ka vrarë tre persona.
