Në ditën ndërkombëtare të birrës, gjermanët mund të krenohen pasi janë prodhuesi numër një i birrës në BE me një prodhim prej 8.3 miliardë litrash, ose 21% e prodhimit total të BE. Vendi i dytë që prodhon më shumë birrë brenda BE është Britania me 12 % të prodhimit total të bllokut, e pasuar nga Polonia, Spanja, Holanda dhe Belgjika Italia ndërkohë e ka rritur sasinë e birrës së prodhuar prej saj, e ndjekur nga Hungaria dhe Republika Çeke. Në kontrast, prodhimi i birrës në Britani ka rënë me 20%.
Mbi 39 miliardë litra birrë me alkool është prodhuar në BE, sasi kjo ekuivalente me rreth 76 litra për banor. Holanda mund të mos jetë ndër prodhuesit kryesor por është eksportuesja më e madhe në 2018. Ajo ka eksportuar 1.9 miliardë litra birrë, duke lënë pas Belgjikën dhe Gjermaninë. Shtetet e Bashkuara ndërkohë janë destinacioni më i madh për eksportin e birrës jashtë bllokut.
Në anën tjetër, Gjermania mund të jetë prodhuesja më e madhe, por nuk është konsumatorja më e madhe, të paktën jo për frymë. Sipas statistikave, Republika Çeke është vendi që ka konsumuar më shumë birrë vitin e kaluar, me 142,6 litra për person ndërsa Gjermania është vetëm e 4-ta me 104,7 litra për person.
