Einxhel dhe Dj Dagz kanë kaluar një natë romantike në suitë, ku kanë shkëmbyer puthje dhe përqafime. Dyshja kanë qendruar në vaskën me hidromasazh por duket se Einxhel ndihet akoma në siklet lidhur me marrëdhënie. Ajo i ka treguar Monikës se kishte gjithnjë besimin se gjërat i kishte në kontroll por nuk rezultoi kështu.
‘’Dagzi më bën të ndihem mirë, gjithnjë më ka bërë të ndihem mirë. Por prap them se kjo gjë nuk duhet të ndodhte këtu. Kisha shumë besim se gjërat i kisha në kontroll. Kjo është një pjesë e imja që nuk doj ta ndaja, jam shumë në siklet. ’’,- tha ajo.
Nga ana tjetër Monika e inkurajoi duke i thënë se jeta nuk mund të planifikohet pasi është gjithçka përveçse matematikë. ‘’Sa gjëra kemi menduar ne dhe na kanë dalë ndryshe. Jetës nuk i dihet, nuk bëhet dot matematikë. Mos ji e kontrolluar pasi bëhesh e bezdisshme. Nëse kjo gjëja të bën të lumtur atëherë shijoje. Vetëkontrolli jot më lodh, nëse do ta shijosh vazhdo shijoje’’,-u shpreh ajo.
