Nën moton ”Jetojmë plot ngjyra” ishte takimi që u mbajt me 29 tetor , në Pallatin e Kulturës “Laberia” mes aktorëve vendor dhe një përfaqësie delegacioni nga Hollanda në kuadër të të drejtave të njeriut me fokus luftën kundër diskriminimit dhe gjuhës së urrejtjes ”. Ky aktivitet u zhvillua në kuadër të Projektit “Lufta kundër Diskriminimit dhe Mbrojtja e të Drejtave LGBTI në Shqipëri”, ku bashkia Vlorë është pjesë . Pjesë e takimit i cili u organizua në formë tryeze diskutimi ishin përfaqësues të institucioneve ne nivel vendor, shoqerisë civile dhe përfaqësuar nga drejtoritë kryesore të Bashkisë Vlorë.
Në aktivitet ishin edhe Nën Kryetari i Bashkisë Zwolle, përfaqësues të Shoqatës së Bashkive Hollandeze dhe të Komitetit të Helsinkut Hollandë të cilët ndanë eksperiencën e tyre në kuadër të të drejtave të njeriut, luftën ndaj diskriminimit dhe gjuhës së urrejtjes me të gjithë të pranishmit. Nën kryetaria e Bashkisë Zwolle Znj.Dorrit de Jong në fjalën e saj theksoi se sfidat në kuadër të ofrimit të shërbimeve sociale do të jenë gjithmonë të pranishme dhe bashkëpunimi me Bashkinë Vlorë do të vijojë edhe ne të ardhmen.
