Kalifornia ditët e fundit ndodhet nën pushtetin e flakëve. Deri më tani flakët e zjarrit kanë shkatërruar 175 struktura, përfshi shtëpi dhe po rrezikojnë 50 mijë të tjera, tha zoti Daniel Berlant me Departamentin e Pyjeve dhe Mbrojtes nga Zjarret në Kaliforni. Në tërësi, 33 banorë dhe zjarrfikës njoftohet se janë lënduar. Mediat e huaja bëjnë me dije se dyshohet se zjarret janë shkaktuar nga një varg me rreth 11 mijë rrufe që goditën atë vend gjatë ditëve të fundit.

Zjarret më të mëdha janë në pjesën veriore të Kalifornisë, ku flakët kanë përpirë rreth 1 250 kilometra katrorë tokë me shkurre, zona rurale dhe pyje të dendura përreth qytetit San Françisko.

Më shumë se 10 mijë zjarrfikës të Kalifornisë po luftojnë me zjarret. Zyrtarët e lartë të departamenteve të zjarrfikësave thonë se kanë mungesa në njerëz, pajisje dhe burime. Disa zjarrfikës po punonin me turne 72-orëshe në vend të turnit të zakonshëm 24-orësh. Kalifornia ka kërkuar 375 makineri zjarrfikëse dhe ekuipazhe nga shtetet e tjera