Categories Lajme

Kaloi 26 kg kanabis drejt Greqisë, çohet për gjykim ish-shefi i Kufirit në Korçë

Ish-shefi i Kufirit në Korçë, Stiljan Pasho është dërguar për gjykim, ndërsa akuzohet se lejoi kalimin e 26 kg kanabis nga kufiri drejt Greqisë.

Prokuroria e Korçës i ka dërguar dosjen gjykatës dhe për gjykim çon edhe një tjetër bashkëpunëtor të Pashos, të dy të akuzuar për veprën penale “Trafikimi i narkotikëve”.

“Prokuroria pranë Gjykatës së Shkallës së Parë të Juridiksionit të Përgjithshëm, Korçë dërgon në gjyq ish shefin e Sektorit të Shërbimeve në Drejtorinë e Kufirit dhe Migracionit, Stilian Pasho dhe shtetasin E.G. për veprën penale “Trafikimi i narkotikëve” kryer në bashkëpunim parashikuar në nenin 283/a/2 i Kodit Penal.

Në kuadër të hetimeve mbi procedimin penal nr.1207 të regjistruar pas informacioneve të mbërritura në rrugë operative se punonjësi i policisë, Kryekomisari Stilian Pasho, me detyrë Shef i Sektorit të Shërbimeve në Drejtorinë Vendore të Kufirit dhe Migracionit Korçë, është i përfshirë në veprimtari të kundërligjshme të trafikimit të lëndëve narkotike, prokuroria provoi se ky shtetas në bashkëpunim me shtetasin tjetër të hetuar, E.G. lejonte transportimin e lëndëve narkotike drejt Greqisë nëpërmjet Pikës së Kalimit Kufitar Kapshticë”, njofton Prokuroria e Korçës.

Rasti i ish-shefit të Kufirit në Korçë bëri bujë në media, pasi ai favorizoi hapur Lorenco Likën që të transportonte 26 kg kanabis drejt Greqisë. Pasho jo vetëm që nuk lejoi punonjësit e tjerë të policisë që të ushtronin kontroll ndaj makinës së mbushur me kanabis, por që të sigurohej për kalimin e drogës hipi në të njëjtën makinë me trafikantin derisa e kaloi në territorin grek. Më pas, vetë Pasho u kthye në territorin shqiptar në këmbë.

Prokuroria e Korçës thotë se nga hetimet ka rezultuar se ish-shefi i Kufirit në bashkëpunim me ikën dhe personin tjetër të dërguar për gjykim, por edhe me persona të tjerë të paidentifikuar, realizuan qëllimin e tyre për të trafikuar drogën drejt Greqisë. Nëse kanabisi do të hidhej në treg do kapte vlerën  75.000 – 117.000 euro.

“Ky punonjës policie me veprime konkrete dhe në kundërshtim me atributet që i jep ligji, ka bashkëpunuar duke favorizuar shtetasin Lorenco Lika në kalimin e kufirit në Kapshticë pa i’u nënshtruar kontrollit kufitar, duke urdhëruar dhe ndikuar tek vartësit e tij që mos kryenin kontroll. Shtetasi në fjalë, u kap më pas nga pala greke me 26 kilogramë lëndë narkotike Cannabis Sattiva.

Nga Prokuroria pranë Gjykatës së Shkallës së Parë të Juridiksionit të Përgjithshëm Korçë, rezultoi e provuar se këta shtetas në bashkëpunim me shtetasin Lorenco Lika të arrestuar në Greqi dhe persona të tjerë të paidentifikuar kanë realizuar një qëllim të përbashkët kriminal duke bërë të mundur trafikimin nga territori i Republikës së Shqipërisë drejt Greqisë, të një sasie lënde narkotike të llojit Cannabis Sativa, e ndarë në 27 pako, e cila nëse do të hidhej në treg, do të sillte përfitime monetare për organizatorët e kësaj veprimtarie nga 75.000 – 117.000 euro”, njofton Prokuroria e Korçës.

Lorenco Lika që drejtonte makinën me 26 kg kanabis është arrestuar në Greqi, ndërsa më 30 nëntor 2023 nga Agjencia e Mbikëqyrjes Policore u vu në pranga ish-shefi i Kufirit Pasho. Droga ishte fshehur në depozitën e impiantit të gazit.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Horoskopi ditor për nesër, e Hënë 17 Shkurt 2025

Dashi Dite përgjithësisht e qete kjo e sotmja për te dashuruarit. Duhet thënë se do…

LEXO ME SHUME
Categories Lajme

Aksident në aksin Lezhë-Shkodër, mbetet e plagosur një vajzë

Një aksident ka ndodhur në aksin Lezhë-Shkodër, pranë kryqëzimit të fshatit Mabë. Sipas asaj që…

LEXO ME SHUME
Categories Lajme

Trafik droge e grup kriminal, arrestohet në Pogradec 43-vjeçari i kërkuar në Itali

Një 43-vjeçar i shpallur në kërkim ndërkombëtar ka rënë në prangat e policisë. A2 CNN…

LEXO ME SHUME
Categories Lajme

Përkujtimi i 17-vjetorit të Pavarësisë së Kosovës në Qendrën Islamike Shqiptare në Harper Woods, Michigan

Në një atmosferë të mbushur me ndjenjë kombëtare dhe krenari, Qendra Islamike Shqiptare në Harper…

LEXO ME SHUME
Categories Lajme

Arrestimi i Veliajt, zbulohen kompanitë dhe OJF-të që përfituan 89 milionë euro të taksapaguesve të Tiranës

Kryetari i Bashkisë së Tiranës, Erion Veliaj, u arrestua të hënën me urdhër të Gjykatës së…

LEXO ME SHUME