Komisioni i Pavarur i Kualifikimit ka konfirmuar në detyrë prokuroren e Krimeve të Rënda, Sonila Muhametaj.

Ajo ka rezultuar e pastër në të tre shtyllat e Vettingut dhe është vlerësuar e përshtatshme për të vazhduar punën në sistemin e drejtësisë.

Sonila Muhametaj është prokurorja që kundërshtoi shortin e paligjshëm për pretencën e grupit të Emiljano Shullazit.

Për shkak të refuzimit të shortit, drejtuesja e Prokurorisë së Krimeve të Rënda Donika Prela vendosi ndaj saj masë disiplinore duke e transferuar në Prokurorinë e Pukës. Por, Gjykata Administrative e rrëzoi këtë transferim.