Agustin Sefa, 31-vjeçari i cili po pushonte në jug të vendit me të fejuarën e tij, shpwtoi pwr mrekulli pasi u godit nga një skaf buzë bregut të detit dhe që prej datës 16 korrik ai vijon të marrë trajtimin mjekësor në spitalin ushtarak në Tiranë sepse ka dëmtime të mwdha.
Ai është fatlum që i ka mbijetuar aksidentit përgjatë pushimeve, por që në një intervistë për TCH tregon tmerrin e përjetuar.
Gjendja e tij shëndetësore është përmirësuar operacion pas operacioni, por që sërish për shkak të një pakujdesie jo nga ana e tij, organet e brendshme i ka të dëmtuara duke i pamundësuar ecjen. Pranë shtratit i qëndron gjatë gjithë kohës e ëma, e cila përveç vështirësive ekonomike po vuan bashkë me dhimbjet e të birit.
“Unë kam qenë në gjendje kome, nuk mbaj mend asgjë , kam gati 10 ditë në gjendje kome edhe tani kam ardhur në vete. Por kam shumë dhimbje e tani do vijë ajo(mjekja) të më bëjë qetësues”, tha Agustini.
-Po e dashura juaj si është? “Ajo është pak më mirë , ka dalë nga spitali. Ndërsa unë kam gati 16 ditë jam dëmtuar në bark dhe në këmbë”, tha ai.
“Me thënë të drejtën kur kam parë ngjarjen e asaj gocës e kam hequr direkt, nuk e shihja dot. Më erdhi keq shumë”, u shpreh Agustini.
