Mbrëmjen e të enjtes në Kodër Kamëz u ekzekutua me breshëri plumbash, Can Kariçi një 30-vjeçar me origjinë nga Dibra i cili duhet të ishte në arrest shtëpie, por u ekzekutua sapo piu kafe me shokët.
Kur kanë kaluar më shumë se 24 orë nga v rasja e tij, policia ka shoqëruar të paktën 15 persona, shumica e të cilëve familjarë e miq të v iktimës, apo edhe dëshmitarë okularë në momentin e ekzekutimit. Por pavarësisht këtyre shoqërimeve, policia nuk ka arritur të gjejë asnjë detaj që do të ndihmojë në identifikimin e autorëve dhe motiveve të kësaj ngjarje të rëndë.
Ndërkohë nga automjeti i djegur i autorëve hetuesit nuk kanë mundur të gjejnë asnjë të dhënë, pasi makina është shkrumbuar plotësisht me kallashnikovin, të cilit autorët i kanë fshirë edhe numrin serial. Por kamerat e sigurisë të bizneseve përreth kanë fiksuar dinamikën e ngjarjes dhe momentin e v rasjes së Kariçit sapo ai ka pirë kafe dhe ka shkuar drejt makinës së tij.
Në kamera është fiksuar edhe momenti kur makina tip “Audi”me të cilin lëviznin autorët afrohet pranë makinës së viktimës, dhe aty fillojnë ta qëllojnë, ku si pasoja 30-vjeçari mori 4 plumba. Ka dyshime se autorët janë v rasës me pagesë, pasi janë kujdesur të mos lënë asnjë detaj në vendngjarje.
