Zbulohen detaje të reja nga arrestimi me k o kainë i kandidatit për Këshillin Bashkiak të Tiranës.
36-vjeçari ra në prangat e Policisë së Sarandës gjatë një kontrolli rutinë.
Emri i tij eshte Shefqet Karabrahimi, lindur në Dibër dhe banues në Tiranë. Atij iu gjet një sasi prej 50 gramësh k o kainë.
Mësohet se i riu u kap kur po futej në qytetin e Sarandës, te vendi i quajtur “Ura e Kranesë”, pasi kishte udhëtuar nga Tirana.
Karabrahimi mësohet se ka qenë kandidat për Këshillin Bashkiak të Tiranës në zgjedhjet lokale të 30 qershorit, i propozuar nga Partia e Reformave Demokratike Shqiptare, me kryetar Krenar Rryçi, e cila ishte pjesë e koalicionit “Aleanca për Shqipërinë Evropiane”, e udhëhequr nga Partia Socialiste.
Nga kontrolli i imtësishëm i makinës dhe fizik që iu bë 36-vjeçarit, rezultoi se për të mos u zbuluar nga ndonjë kontroll i mundshëm gjatë rrugës, Karabrahimi e kishte fshehur kokainën në organet gjenitale. Kontrolli që çoi më pas në arrestimin e tij në kushtet e flagrancës, u bë rreth orës 23:30 të së shtunës.
