Një grup turistësh shqiptarë kanë mbetur të bllokuar në kanionet e Holtës në Grashm për shkak të prurjeve të shumta të ujit si rezultat i reshjeve.
Mësohet se në kanion kishin mbetur të bllokuar disa fëmijë së bashku me prindërit e tyre. Fillimisht policia dhe zjarrfikësit kanë mundur të shpëtojnë 4 fëmijë të mitur. Ende mbeten brenda kanionit disa turistë në moshë të rritur të cilët janë bllokuar. Dyshohet se shkak është bërë rritja e shpejtë e nivelit të ujit në kanion, si pasojë e shirave të rrëmbyer të kësaj të diele, çka kanë sjellë dhe ndryshime të nivelit të ujit.
Në vendngjarje ndodhen forcat e policisë, 3 autoambulanca të ardhura nga qyteti i Gramshit por edhe zjarrfikësit. Deri më tani nuk raportohet për persona të lënduar.
