Eshtë arrestuar një Shqiptar 16 vjeçar me origjinë nga Shqipëria, i cili që në këtë moshë kishte krijuar lidhjet e tij për një bandë fëmijësh.Mediat italiane nuk bëjnë të ditur emrin e fëmijës, por raportojnë se prezenca e shqiptarit në disa lagje të Xhenovës kishte ngjallur frikë dhe panik tek fëmijët e tjerë, pasi duke i kërcënuar dhe dhunuar ai i detyronte ata që t’i jepnin të gjitha paratë.
Pas disa denoncimeve në komisariat, Karabinierët intensifikuan kontrollet në vendet ku takoheshin të rinj, duke bërë të mundur arrestimin e të miturit shqiptar.
Gjatë verifikimeve të dokumenteve disa fëmijë morën guximin duke i thënë policëve se ishin plaçkitur nga 16-vjeçari shqiptar.Ndërkohë më pas në polici mbërritën edhe fëmijë të tjerë, të cilët të shoqëruar nga prindërit e tyre denoncuan aktet e ngacmimit dhe grabitjes nga i mituri shqiptar. Pas arrestimit shqiptari u transferua në një burg për të mitur në Piemonte.
