Kavajë/ Deti i ‘egërsuar’, shpëtohet nga mbytja një 50- vjeçar në Spille

Ismet Muça, 50 vjeç, i cili ishte futur të lahej edhe pse deti ishte shumë i trazuar, është shpëtuar nga mbytja.

Ka qenë ndërhyrja në kohë e vrojtuesve të plazhit të cilët kanë bërë të mundur shpëtimin e 50-vjeçarit, por edhe gatishmëria e disa pushuesve të tjerë, përfshirë edhe gazetarin e Report Tv, Aldo Kozarja, të cilët u futën në det për t’ë shpëtuar nga mbytja 50-vjeçarin.  Ai është dërguar në qendrën shëndetësore më të afërt. Report Tv sjell video nga momenti kur është nxjerrë në breg të detit 50-vjeçari, identiteti i të cilit nuk dihet ende.

Gazetari i Report Tv, së bashku me pushuesit e tjerë duke i dhënë ndihmën e parë pushuesit

Gjatë sezonin turistik, falë pranisë së vrojtuesve të plazhit janë shpëtuar dhjetëra pushues. Report Tv ka bërë më herët një reportazh, mbi “heronjtë” e verës, ku vihej theksi tek vështirësia e punës që ata kanë, por pavarësisht kësaj, nuk marrin vlerësimin e duhur nga ana monetare.