Mbështetësit e ish-kryebashkiakut të PD, Isa Sakja vijojnë protestën para bashkisë me thirrjet “Rama ik”. Ndërsa në bashki pritet të konstituohet Këshillit Bashkiak i Kavajës dhe të betohet kryebashkiaku i ri i PS, Redjan Krali.
Sakja është shprehur se nuk do e lirojë zyrën. “Sot do të jem në zyrë, është ditë e zakonshme pune. Më 30 qershor nuk ka pasur zgjedhje. Kemi një dekret të presidentit të Republikës në fuqi dhe absolutisht është e pamundur që populli i Kavajës, jo vetëm demokratët e Kavajës të tolerojnë qeverinë që të emërojë në krye të bashkive të djathta dhe të majta të emëruarit e tyre të pazgjedhur. Dua t’iu bëj me dije se Kavaja kanë votuar vetëm 5% e votuesve dhe unë e lë bashkinë,”-tha ai.
Ndryshe nga situata e krijuar dje në Bashkinë e Devollit, para bashkisë së Kavajës raportohet se ka forca policie.
Krali u shpall fitues si kryebashkiak i Kavajës, në zgjedhjet e 30 qershorit dhe pritet të marrë zyrën.
Kryebashkiakët demokrat kanë paralajmëruar se nuk do ti lirojnë zyrat e tyre për tu vendosur kryebashiakët e rinj socialistë.
Këshillat Bashkiakë që do konstituohen sot:
-Në orën 10:00 do të konstituohet i Këshillit Bashkiak Tepelenë.
-Në orën 12:00 do të konstituohet Këshilli Bashkiak Memaliaj
-Në orën 18:00 do të konstituohet Këshilli Bashkiak Libohovë. Të pranishëm do të jenë edhe deputetët e qarkut Bledi Çuçi, Mirela Kumbaro dhe Artemis Malo.
Në Tepelenë vijon punën për mandatin e tretë Tërmet Peçi, në Libohovë për mandatin e dytë Luiza Mandi, ndërsa në Memaliaj kryetari i ri Gjolek Guci.
Çfarë ndodhi dje në Devoll?
Ndërkohë mbërritja e kryebashkiakut socialist në Bashkinë e Devollit mëngjesin e së hënës (29 korrik), Eduard Duro, që doli nga zgjedhjet e 30 qershorit u prit me protesta nga PD.
Eduard Duro, mbërriti në bashki rreth orës 06:30 minuta dhe me kërkesë të tij, forca të shumta policie përfshirë edhe FNSH blinduan ndërtesën.
Rreth një orë më vonë, para bashkisë mbërriti demokrati Bledjon Nallbati i shoqëruar nga qytetarë.
Demokrati Nallbati flet për uzurpim të zyrës të bashkisë, ndërsa socialisti Duro, pret që punonjësit e Bashkisë të rikthehen në detyrë dhe të distancohen nga veprimet e ish drejtuesit.oranews
