Kur kanë kaluar disa javë nga vdekja e Diego Armando Maradonës, këngëtarja e famshme italiane, Rafaela Carra, në një intervistë të dhënë për të përjavshmen italiane “Sette”, ka sjellë disa kujtime të veçanta nga miqësia e tyre. Carra tregon momente pikante nga jeta e Diegos, që tregojnë edhe njëherë qartazi, shpirtin e tij të lirë.
Rafaela rrëfen: Ai ishte një mashtrues, por shumë bujar, i aftë për hapa të jashtëzakonshme, pavarësisht jetës së tij të rrezikshme, midis drogës dhe alkoolit. Një mbrëmje në 2001 ai erdhi për darkë në shtëpinë time, në Romë. Unë duhej të prezantoja Sanremon dhe Diego më tha: “Dua të prezantoj Sanremon me ty. Ishte vërtet i paparashikueshëm.
Fëmijët e Diegos? Tani për fat të keq, telenovela e trashëgimtarëve do të fillojë. Por unë them, njeri i bekuar, nuk mund ta përdorësh prezervativin? Fëmijët e paligjshëm vazhdojnë të dalin. Çfarë kali i çmendur ishte Diego, por racë e pastër. E pastër”.
Kujtojmë që Maradona zyrtarisht njihet si babai i 5 fëmijëve, por janë edhe 6 të tjerë që pretendojnë atësinë e legjendës argjentinase, pavarësisht se nuk janë të konfirmuar ligjërisht.