Ish kryetari i bashkisë së Kukësit Safet Gjici dhe vajza me të cilën kreu aktin seksual në zyrë, Alma K. ishin sot së bashku në sallën e gjyqit në GJKKO.
Siç shihet Gjici është brenda kafazit ndërsa Alma jashtë saj, duke qëndruar krah avokates.
Alma.K në dëshminë e saj ka thënë se është takuar vetëm dy herë me Gjicin, ku herën e parë i ka prezantuar projektin për qentë dhe sipas saj është ndjerë e ngacmuar seksualisht nga vetë ai. Kur shkoi herën e dytë në zyrë, vendosi vetë të pranojë marrëdhënie seksuale me krybashkiakun, ndërsa dyshohet se kishte aktivizuar dhe aparatin e filmimit.
Gjici akuzohet për ‘korrupsion pasiv’, ndërsa, 40-vjeçarja, e cila është në masën ‘arrest shtëpie’ akuzohet për korrupsion aktiv.
Avokatja e Alma K., vajzës që shfaqet në video me ish-kryebashkiakun e Kukësit, Safet Gjici në një prononcim për mediat, pohoi se ka kërkuar që klientja e saj të lirohej e lirë për shkak edhe të kushteve të saj familjare. Por, pavarësisht kërkesës, kjo gjë nuk është pranuar nga Gjykata e Posaçme, e cila ka vendosur ta lërë në arrest shtëpie.
Avokatja Natasha Velia tha për mediat, se Kaçi ka një fëmijë të mitur dhe nënën e sëmurë si dhe është personi i vetëm që siguron të ardhura, ndaj kërkoi të hetoi e lirë. Ajo theksoi se klientja e saj nuk ka tentuar të largohet dhe nuk ka bashkëpunëtorë.
“Ka një fëmijë të mitur dhe nënën e sëmura ndaj kërkova të ishte pa masë fare. Është i vetmi person që sjell të ardhura në shtëpi. Gjykata nuk pranoi, do vijojë hetimi në këtë masë. Nuk ka bashkëpunëtorë absolutisht. Nuk ka tentuar të largohet, ka një fëmijë”, tha avokatja Velia.
