Një inspektor tatimesh mësohet se është vënë në pranga në qytetin e Korçës, pasi dyshohet se ka kërkuar favore seksuale ndaj një shtetase. Burime për gazetarin e Ora News në qytetin e Korçës, Artin Halili, personi i arrestuar është shtetasi Arian Mema, punonjës pranë tatimeve. Burimet, konfindeciale, bëjnë me dije se Mema ka kërkuar favore sekuale në këmbim të punësimit.
Denoncimi në polici u bë nga një vajzë, banuese në Korçë që nuk i bëhet me dije identiteti. Mema u arrestua nga policia ndërkohë që prokuroria e rrethit të Korçës ka nisur hetimet e mëtejshme lidhur me rastin. /Ora News.tv/
