Këshilli Rajonal i Agrobiznesit në Elbasan dhe Këshilli Agrobiznesit Shqiptar deklarojnë se “politikanë të opozitës përkrahin e nxisin individë për të dëmtuar biznes një nga bizneset më të rëndësishme të Elbasanit”.
Përmes një njoftimi për mediat, Këshilli Rajonal i Agrobiznesit në Elbasan dhe Këshilli Agrobiznesit Shqiptar kërkon që të mos përkrahen, nxiten e politizohen ngjarje të cilat mund të zgjidhen pa krijuar konflikte që cënojnë imazhin e dëmtojnë rënd veprimtarinë e biznesit të peshkimit në një nga bizneset e Elbasanit.
“Në situatën kur bizneset e Peshkimit dhe Akuakulturës në vend po punojnë për të përballuar vështirësitë e problemet e shkaktuara nga tërmeti 26 nëntorit 2019 dhe COVID e post COVID -19. Në Elbasan, në një nga sipërmarrjet, që është punëdhënësi më i madh, veçanërisht për gra të reja, i krijohen probleme nga individ, të cilët pa asnjë arsye po inkurajohen edhe nga politikanë të opozitës në Elbasan. Inkurajimi i individëve nga politika për t’i dëmtuar apo krijuar probleme biznesit në situatën që po kalojmë është e papranueshme nga ana jonë”,- thuhet në njoftim.
“Këshilli Rajonal i Agrobiznesit në Elbasan dhe Këshilli Agrobiznesit Shqiptar kërkon që të mos përkrahen, nxiten e politizohen ngjarje të cilat mund të zgjidhen pa krijuar konflikte që cënojnë imazhin e dëmtojnë rënd veprimtarinë e biznesit të peshkimit në këtë biznes në Elbasan, i cili përsërisim është një histori suksesi si në investime, punësim dhe në eksport. I bëjmë thirrje edhe drejtuesve të pushtetit lokal në Elbasan të angazhohen e mbështesin në këtë situatë. “,- theksojnë Vegim Dishani Kryetar i Këshillit Rajonal të Agrobiznesit Elbasan dhe Agim Rrapaj Kryetar i Këshillit Agrobiznesit Shqiptar.
