Keshilli i bashkisë së Vlorës miratoi me 27 vota pro dhe shtatë kundër projekt buxhetin e bashkisë për vitin 2019. Vlera e buxhetit kap shifren e 22 miliard lekë të vjetra, ndërkohë që miratimi nuk ka kaluar pa debate, ku këshilltarët e djathtë e kanë votuar kundër. Në mbledhjen e fundit të këshillit bashkiak është miratuar buxheti i vitit 2019-të. I shoqëruar jo me pak diskutime. Kreu I Bashkisë së Vlorës, Dritan Leli ka përmbledhur sektorët në të cilët do të investohet buxheti dhe prioritetet gjatë vitit 2019-të.
Dritan Leli: “Investimet në infrastrukturë do të jënë një sektor I rëndësishëm, por jo i vetmi. Buxheti i këtij viti është parashikuar rreth 22 MILIARD lekë nga të cilat 18 miliard nga të ardhurat e vetë Bashkisë.” Sipas kreut të Bashkisë së Vlorës, ndër investimet madhore janë parashikuar Ujësjellësi I fshtrave Dukat, Jonufër, Tragjas, Radhime një investim në vlerën e 4.5 mln euro, nga të cilat 10% do të paguhen nga buxheti I bashkisë, vijoi Leli
“Rikualifikimi banesave në krahë të lungomares, do të jetë një tjetër prioritet, bashkangjitur rehabilitimin e një sërë blloqeve të banimit dhe riasfaltimit të rrugëve rurale. Po ashtu 120 mln lekë do të investohen në rikualifikimet e qëndrave të fshatrave Mifol, Bestrovë e Llakatund.” Sipas Kryebashkiakut të Vlorës, investimet janë rritur në masën e 17.7 % krahasuar me vitin e kaluar, duke ju bashkangjitur investimeve në proces sikurse ai i bulevardit Vlorë Skelë, qëndrën histrorike apo aksin lidhës mes tregun të madh dhe pyllit të Sodës.
Por pavarsisht këtij fakti, këshilltarët e djathtë e kanë cilësuar projekt buxhetin si më të dobetin për këto katër vitët e fundit duke konfirmuar se nuk ka asnje ndryshim krahasuar me një vit më parë. Sipas këshilltarëve të djathtë ka ende probleme, referuar faktit se vitin e shkuar të ardhurat e bashkisë ishin vetëm 7 miliardë leke, pra ka një deficit mjaft të madh. Debate pati edhe për shumën e akorduar për klubin e futbollit Orikumi, kur klubi i Flamurtarit është në administrim privat. Në fund është kaluar në votim, ndërsa është miratuar me 27 vota pro dhe 7 kunder./E.H VloraNews.al
