Artistja e njohur shqiptare, Anxhelina Hadërgjonaj, ditë më parë bëri rikthimin në skenë pas nëntë vitesh. Anxhelina aktivitet e fundit i ka pasur në Amerikë dhe këtë herë ka debutuar në tregun ndërkombëtar me projektin “Precious”. Pas një pauze të gjatë, kënga e Hadërgjonajt u prit shumë mirë nga publiku dhe fansat e saj.
Ndërkohë, ajo së fundmi ka marrë një përkrahje edhe nga ylli i “Keeping Up With the Kardashians” -Kim Kardashian. “Duke treguar dashuri për miken më të mirë të Ariel, urime”-ka shkruar ajo në një postim në Instagram, referuar grimerit të njohur Ariel, i cili njëherësh është mik edhe i familjes së Kardashian. Anxhelina ka treguar në një nga intervistat e fundit, se klipi i këngës u xhirua një vit më parë dhe se ka punuar mjaft shumë për debutimin e radhës.
