Aktori i njohur i humorit francez, Claude Brasseur, ka ndërruar jetë në moshën 84-vjeçare. Persona të tij të afërt kanë bërë me dije se aktori nuk ka ndërruar jetë nga Covid-19. Ata kanë treguar se artisti do të prehet në Paris, së bashku me babanë e tij, aktorin Pierre Brasseur.
“Claude Brasseur vdìq në paqe dhe qetësi, i rrethuar nga familja e tij. Ai nuk ishte vìktimë e COVID-19. Ai do të várroset në Paris, në përputhje me rregullat sanitare dhe do të pushojë së bashku me babanë e tij (aktori Pierre Brasseur), në várrezat Père-Lachaise në Paris”, tha Elisabeth Tanner, kreu i agjencisë “Time Art”. Në më shumë se 60 vjet karrierë, ai ka luajtur në më shumë se 110 filma. Megjithatë Brasseur do të njihet gjithmonë për rolin e tij në filmin me “La Boum”, film kult i viteve ’80.
Aktori i ndjerë vazhdoi të shfaqej rregullisht në ekran, deri në tri pjesët e komedisë “Camping” në vitet 2000. Brasseur, ka fituar dy çmime Cesars, që njihet si Oscari në Francë dhe bëri gjithashtu bujë me performancën e tij në vitin 1971 në filmin Vidocq.
Në vitin 1964, ai ishte pjesë e skuadrës së Francës në sportin bobsled për Lojërat Olimpike Dimërore, por u lëndua rëndë para se të fillonin garat. Sakaq, Claude ishte i pasionuar edhe me veturat dhe mori pjesë disa herë në garën Paris-Dakar, duke e fituar atë në vitin 1983 në tandem me Jacky Ickxin.
