Presidenti Ilir Meta, ka zbuluar disa nga planet e tij, përpara se të niste procesi i shkarkimit ndaj tij dhe situata e turbulluar politike.
Meta, i ftuar në emisionin “Të Paekspozuarit” në MCN TV, deklaroi se kishte në plan një mandat të dytë presidencial dhe më pas nisjen e një karriere diplomatike, por gjithçka ka ndryshuar dhe ai do të angazhohet pas mbarimit të mandatit si një aktor politik opozitar.
“Kisha menduar një mandat të dytë dhe më pas të nisja një karrierë diplomatike. Gjërat erdhën kështu që të angazhohem për të rivendosur pluralizmin politik që është tradhtuar.
Do t’ja japim vlerën që i takon popullit, t’i rikthejmë sovranitetin, më të mos guxojë askush të ndryshojë Kushtetutën pa referendum”, tha ndër të tjera Meta.
