Kishte qepur me qindra maska për infermierët që punojnë në vijën e parë të betejës me koronavirusin, pasi kishte mësuar në media se mungonin Bujaria e saj preku shumë njerëz, aq sa veprimi i vogëlushes u përhap në të gjithë botën. Por vogëlushja amerikane Lexi Collins, 10 vjeçe, gjeti vdekjen si pasojë e një aksidenti rrugor në Munday, të Texas.

Historia e Lexi u përhap në fillim të muajit prill, kur një spital lokal “Anson General Hospital”, falënderoi vogëlushen në Facebook, për dhuratën e bërë ndaj infermierëve. “Faleminderit të gjithëve që ia bëtë sime bije këtë ditë fantastike duke e falenderuar publikisht. E ka pasion qepjen dhe unë jam infermiere, kështu që ajo do që të ndihmojë të gjithë infermierët”, kishte shkruar në Facebook, nëna e vajzës, Jara Collins.

Por këtë të enjte, ajo nuk arriti që ti mbijetojë një aksidenti rrugor, duke gjetur vdekjen, ndërkohë që rrethanat e ngjarjes nuk bëhen me dije.