Një çift është kritikuar për varjen afër një pishine natyrale për të nxjerrë një fotografi për Instagram. Në pamjet e rrezikshme, blogerët amerikanë Kelly Castille, 33-vjeçe dhe Kody Workman, 32-vjeç, me origjinë nga Luziana dhe Michigan, pozuan jashtëzakonisht larg mbi lagunën e Humantay në Peru, transmeton lajmi.net. Fotografia tregon Kelly duke qëndruar e varur me një këmbë të mbështetur në këmb, tjetrin jashtë tij, gjersa mbahet nga i dashuri i saj.
Mirëpo, ky veprim nuk iu ka pëlqyer ndjekësve të tyre. Madje, ata e kanë konsideruar se çifti po rrezikojnë jetën e tyre “për disa pëlqime”. “Budallallëqet nuk kanë fund. E gjithë kjo për të marrë vëmendjen e njerëzve”, shkroi një komentues.
“Promocion i budallallëqeve në vendin jo të duhur”, shkruhej mes të tjerash. Megjithatë, çifti ka reaguar ndaj komenteve negative, duke thënë se këtë veprim e bënë me vullnet të plotë, pa u detyruar nga askush.
