Kryetari i Bashkisë së Tiranës, Erion Veliaj ishte ditën e sotme për ngushëllim në familjen e 25-vjeçarit Klodian Rasha, i cili u vra nga një efektiv policie mëngjesin e së martës pak metra larg shtëpisë së tij.
Së bashku me kryebashkiakun ishte edhe deputeti i Partisë Socialiste Ulsi Manja, të cilët u pritën nga familjarët e 25-vjeçarit të ndjerë në shtëpinë e tyre në Laprakë, ku i shprehën babait të Klodianit, Qazim Rashës, ngushëllimet për humbjen e jetës së djalit.
Kujtojmë se pak ditë më parë edhe kryeministri Edi Rama ishte për vizitë në familjen Rasha, dhe ishte i shoqëruar nga Ministrja e Shtetit, Elisa Spiropali.
