Presidenti Ilir Meta ka ripublikuar draft- opinionin e Komisionit të Venecias për emërimet në Gjykatën Kushtetuese duke shkruar se kauza e 2 marsit fitoi. Sipas opinionit të Venecias, Meta nuk kishte kryer asnjë shkelje teksa edhe veprimet e tij për përzgjedhjen e anëtarëit të dytë prej tij si dhe të refuzimit të Arta Vorpsit ishin të justifikuara.
Meta i qëndron bindjes se kushtetuta është e para. Në fakt ajo që u quajt si ”Pranvera Kuqezi” nga Meta erdhi si pasojë e miratimit në Kuvend të mekanizmit zhbllokues të betimit të gjyqtarëve në Gjykatën Kushtetuese por duke mundur që të anashkalohej Presidenti.
Pikërisht Meta më 2 mars firmosi dekretin në mes të sheshit para Presidencës dhe protestës për kthimin në Kuvend të ligjit për betimin e gjyqtarëve. Po ashtu atë ditë ai paralajmëroi se do shpërndante Kuvendin me dekret nëse deri në 15 mars nuk do të miratonte Reformën Zgjedhore, por ajo u shty prej pandemisë dhe deri më sot ende nuk është miratuar ende.
STATUSI NGA ILIR META KAUZA E 2 MARSIT FITOI! 🇦🇱 KUSHTETUTA E PARA! 🇦🇱
