Në qarkun e Korçës, gjatë natës nuk ka pasur reshje dëborë, por temperaturat kanë qenë në vlera negative, -11 gradë Celsius. Kalueshmëria e mjeteve në akset rrugore nacionale kryhet normalisht. Nga Bashkitë po vijon puna për hapjen e rrugëve lidhëse të fshatrave me Qendrat e Njësisë Administrative.
Rrugët e pahapura: Në bashkinë Korçë të pahapura janë rrugët lidhëse të fshatrave në NJ.A të Lekasit, dhe disa fshatra në NJ.A të Vithkuqit. Në Bashkinë Pogradec fshatrat e NJA të Trebinjës dhe Proptishtit. Në Bashkinë Kolonjë fshatrat e NJA Barmash, zona e Shëmtirit dhe Piskalit.
Në Bashkinë e Maliqit disa fshatra të NJA Gorë. Nga informacioni i dhënë nga OSHEE, nuk ka probleme me furnizimin me energji elektrike të abonentëve.
