Policia e Kosovës ka arrestuar 3 persona, të cilët akuzohen se kanë dhënë teste negative të Covid-19. Mediat kosovare shkruajnë se shtetasit Xh.K., A.S., dhe Sh.K., me datë 24 gusht, kanë falsifikuar testet RT – PCR SARS COVID-19 – NEGATIV, ne emër të shumë personave, duke manipuluar me kompjuterë dhe duke vendosur vula në testet e falsifikuara në këmbim të një shumë të parasë.
Mediat kosovare shkruajnë se Gjykata Themelore e Prizrenit u ka caktuar nga një muaj paraburgim të arrestuarve. Kjo është bërë tashmë një fenomen si në Kosovë ashtu edhe në Shqipëri, pasi masat e vendosura anti- Covid, nuk lejojnë frekuentimin e disa aktiviteteve nëse nuk kanë testin negative.
