Policia e Shtetit ka nisur prej ditësh një operacion të drejtuar “Fijet” në të gjithë territorin dhe të koordinuar nga Drejtoria e Përgjithshëm në Tiranë. Një operacion i nisur fillimisht në Shkodër, i zhvendosur më pas në Vlorë, në Durrës, Fushë Krujë, Shijak e së fundmi në Korçë e Pogradec.
Kët të shtunë, njoftohet se për të dytën ditë më radhë ka vazhduar aksioni në Korçë e Pogradec dhe janë çmontuar 39 kamera të vendosura në kundërshtim me ligjin. Në hetim janë 9 shtetas, nga këta, 7 shtetas në Korçë dhe 2 shtetas në Pogradec.
- Gjatë fazës së pestë të këtij plani operacional, në Korçë, në lagjet nr.2, 4, 5, 7, si dhe në fshatin Dishnicë, Korçë, janë çmontuar 21 kamera, si dhe janë në hetim, shtetasit Z. M., A. Q., G. Ç., R. S., Gj. R., P. B. dhe M. D.
- Plani operacional ka vijuar në Pogradec ku u çmontuan dhe u sekuestruan 18 kamera të vendosura në lagjen nr. 1, Pogradec. Në vijim të veprimeve procedurale për këto raste, janë në hetim shtetasit A. B. dhe N. Ll.
Njoftimi i plotë i Policcisë së Shtetit, operacioni në Korçë dhe Pogradec:
Strukturat hetimore të DVP Korçë, në bashkëpunim me komisariatet e Policisë në varësi të saj, në zbatim të detyrave të përcaktuara në kuadër të planit operacional mbarëkombëtar të koduar “Fijet”, i iniciuar nga Drejtoria e Përgjithshme e Policisë së Shtetit, si dhe me mbështetjen e inteligjencës informative, për vendosjen e paautorizuar të disa kamerave, konkretisht në disa lagje të qyteteve Korçë e Pogradec, me qëllim sigurimin e informacioneve, për qëllime kriminale, si dhe për të monitoruar lëvizjet e Policisë, kanë organizuar punën për evidentimin dhe çmontimin e këtyre kamerave, identifikimin e pronarëve të tyre, si dhe për dokumentimin e plotë ligjor të qëllimit të përdorimit.
Gjatë fazës së pestë të këtij plani operacional, në Korçë, në lagjet nr.2, 4, 5, 7, si dhe në fshatin Dishnicë, Korçë, janë çmontuar 21 kamera, si dhe janë në hetim, shtetasit Z. M., A. Q., G. Ç., R. S., Gj. R., P. B. dhe M. D.
Plani operacional ka vijuar në Pogradec ku u çmontuan dhe u sekuestruan 18 kamera të vendosura në lagjen nr. 1, Pogradec. Në vijim të veprimeve procedurale për këto raste, janë në hetim shtetasit A. B. dhe N. Ll.
Materialet i kaluan prokurorive të rretheve gjyqësore Korçë e Pogradec, për veprime të mëtejshme.
