Gjykata e Apelit ka lënë në fuqi vendimin për Kastriot Gjuzin, duke pushuar hetimet për vrasjen e Majro Majollarit. Gjuzi ishte i dyshuar për vrasjen e Majollarit, dhe u lirua nga burgu pak javë më parë.
Shkak për mbylljen e hetimeve u bë mungesa e provave të gjetura nga ana e Prokurorisë, ndërkohë që Gjykata e Tiranës dha vendimin për lirimin e Gjuzit.
Majollari dyshohet se i vra për motivet e gjakmarrjes, por mungesa e provave e lënë të pazbardhur krimin e kryer ndaj tij.
Kujtojmë se 28-vjeçari kërkoi azil në Suedi por nuk iu miratua kërkesa, dhe disa muaj pas kthimit të tij në Shqipëri u ekzekutua në zonën e Kinostudios.
Kujtojmë se Avni Majollari, babai i Marjos është dënuar me burgim të përjetshëm për vrasjen e dy personave në zonën e Dajtit në vitin 2000.
Avni Majollari jetonte prej 14 vitesh në arrati, edhe pse i dënuar me burgim të përjetshëm për vrasje të dyfishtë.
Policia e Tiranës e arrestoi në vitin 2014 në rrugën “Ibrahim Brahja” në kryeqytet. Në momentin e arrestimit, 44-vjeçari, banues në Tiranë u kap edhe me armë pistoletë në brez, kurse në banesë iu gjetën një automatik, një tjetër pistoletë dhe sasi municioni që u sekuestruan si prova materiale.
