Një aksident është shënuar pasditen e sotme në Tapizë, Krujë, ku një makinë me drejtues Xh.S. ka përplasur këmbësorin 49-vjeçar me iniciale F.E. Ky i fundit është dërguar në spital ku ndodhet nën kujdesin e mjekëve ndërkohë që drejtuesi është shoqëruar në polici.
“Më datë 27.08.2021, rreth orës 15:30, në Tapizë, një mjet me drejtues shtetasin Xh. S., ka aksidentuar këmbësorin, shtetasin F. E., rreth 49 vjeç, i cili ndodhet nën kujdesin e mjekëve.
Drejtuesi i mjetit është shoqëruar në ambientet e Policisë për veprime të mëtejshme. Grupi hetimor ndodhet në vendngjarje dhe po punon për zbardhjen e rrethanave të aksidentit”, njofton policia.
