Katër ambiente të përshtatura për kultivim të bimëve narkotike, me anë të llambave janë zbuluar në Krujë. Në pranga ka rënë vëllai I pronarit të ambienteve.
Operacioni u kodua “Vijimi”
H. H u arrestua në flagrancë pasi pasi kishte në ruajtje ambientet ku kultivoheshin bimë narkotike, informon policia e Durrësit.
“Nga hetimet, rezulton se ky shtetas, në bashkëpunim me 3 shtetas të tjerë, autorë të dyshuar të kultivmit të bimëve narkotike me anë të llambave, në 2 ambientet e zbuluara si rezultat i operacionit “Derveni”, të zhvilluar 2 ditë më parë, kanë përshtatur edhe këto 4 ambiente, për të njëjtën veprimtari kriminale.”
Vijon puna intensive për kapjen e 3 personave të shpallur në kërkim.
Gjatë operacionit u sekuestruan fidanë narkotikë në vazo, pajisje elektrike dhe sende të tjera që shërbenin për kultivim të bimëve narkotike, me anë të llambave.
