Një zjarr i madh ka shpërthyer në një banesë dykatëshe në Krujë. Ngjarja ka ndodhur në lagjen “Zim Zenel” dhe sipas raportimeve, dëmet janë vetëm materiale. Forcat zjarrfikëse pasi kanë marrë njoftimin kanë mbërritur në vendngjarje kanë mundur të venë në kontroll flakët dhe të shmangin dëme të mëtejshme.
Mësohet se zjarri ka nisur në çatinë e një banese dy katëshe, e cila ka qenë në afërsi edhe me shumë banesa të tjera. Persona që jetonin në brendësi kanë arritur të dalin përpara se zjarri të bllokonte daljen e tyre, duke shpëtuar mrekullisht.
