Kryeministri çek, Andrej Babish ka deklaruar se Qeveria që drejton ai do të merret me çështjen e njohjes së Kosovës, shkruan Gazeta Metro.Babish pas një takim dje me presidentin Milosh Zeman, ka thënë se dëshiron të adresojë çështjen e njohjes së Kosovës me ministrin e Jashtëm, Tomas Petriçek dhe atë të Brendshëm, Jana Hamaçek.
“Presidenti po i referohet rezolutës së Dhomës së Deputetëve nën qeverinë e Topolanek që të mos e njihte Kosovën. Ne do t’i drejtohemi kësaj në një takim koordinues për politikën e jashtme”, shtoi Babish.
I pyetur nëse ka ndryshim qëndrimi rreth njohjes së Kosovës, ai u përgjigj, “”Unë nuk po e them këtë. E diskutova këtë me Presidentin. Presidenti thotë se qëndrimi ynë ishte i tillë në atë kohë për faktin se ishim në NATO për dy javë, se ishte një vendim politik, por që mendimi i tij për njohjen e Kosovës është negativ”, theksoi më tutje Babish
Kujtojmë se presidenti Milosh Zeman gjatë një vizite në Beograd javën e kaluar ka thënë se do të shqyrtonte mundësitë nëse njohja e Kosovës mund të revokohej.
