Dy ditë më parë në media u shpërnda një video e Meghan Markle dhe Princ Harryt e shkëputur nga parada ‘Trooping the Colour’ më 8 qershor ku Meghan kthehej pas, ndërkohë që Princ Harry e urdhëronte të shikonte para. Kjo video u komentua gjatë në rrjete sociale dhe media, pasi nga mimika e fytyrës Meghan shihej e trishtuar nga veprimi i ashpër i Harryt.
Menjëherë në media filloi të diskutohej se mes çiftit të njohur kishin nisur probleme. Megjithatë së fundmi sipas ekspertëve një gjë e tillë nuk është aspak e vërtetë. Në atë moment Meghan është bërë serioze dhe dukej si e mërzitur pasi në sfond ka nisur himni kombëtar dhe të gjithë kanë marrë një qëndrim fisnik.
Po ashtu ekspertët e buzëve kanë treguar se Harry i thotë Meghan-it: “Kthehu para”, dhe kjo pasi do të niste himni.
