Një ari i tillë i murrmë të dielën plagosi rëndë një bari në Kukës. Ky që shikoni në video është filmuar në të njëjtën ditë në Rrugën e Kombit teksa vrapon maleve. Ekrem Onuzi, 45-vjeç, nga Kukësi u sulmua paraditen e djeshme nga një ari teksa ishte duke kullotur bagëtitë. Për pasojë bariu ka marrë plagë të rënda në kokë dhe trup. Ai po merr trajtim mjekësor në spitalin e Traumës në Tiranë dhe ndodhet jashtë rrezikut për jetën. Ngjarja ka ndodhur në vendin e quajtur Sasat, në bjeshkët e Gjalicës. Sulme të ngjashme nga arinjtë ndaj banorëve të zonave të thella në Kukësit janë shënuar edhe më herët.