182 fidanë kanabisi të kultivuar në kubik janë zbuluar në fshatin Kreshpan të Fierit gjatë një aksioni policor. Në pranga ka rënë 49-vjeçarja me iniciale P.Y., ndërsa në kërkim është shpallur bashkëshorti i saj D.Y. 51 vjeç (alias S. Y., alias K. Y.)
Kubikët e kanabisit ishin kultivuar në banesën e çiftit. Gjithashtu në shtëpinë e tyre u gjet një armë gjahu pa leje.
Vijon puna për kapjen dhe nxjerrjen përpara përgjegjësisë penale të shtetasit D. Y.
Materialet procedurale i kaluan Prokurorisë pranë Gjykatës së Rrethit Gjyqësor Fier, për veprime të mëtejshme.
