fbpx
Kulture

Një “Amfiteatër” për Vlorën

Nga Sejmen Gjokoli

Edhe pse Vlora tani ka hapësira e mjedise të shumta e të lloj-llojshme për zhvillimin e aktiviteteve kulturore e sportive, ende nuk e ka një mjedis apo një hapësirë të volitshme apo multifunksionale që, kur nevoitet, të shndrohet lehtas e natyrshëm në një vend shfaqiesh të tipit amfiteatër natyror.

Të paktën edhe me njëmijë ulëse. Pesë vendvendosje më është dashur të ndroj në këto 12 vite të mbajtjes së Aulona Inter Folk Festival dhe ende nuk e ka gjetur “guri vendin”… Këtë diskutojmë sa herë me kolegë apo miq të mi të fushës së artit e kulturës në Vlorë, por edhe të tjerë që vijnë në këtë qytet për aktivitete. Në çdo lagje, në Izmir, do të gjeje nga një Amfiteatër të mirëfilltë me dy e tremijë vende edhe me podiumin e skenën të ngritur…

Kjo ndjesi më shtyu që, pas prezantimit të Projektit më të ri që u prezantua para dy ditësh në Vlorë me okeljon, ” Vlora Park” ose ” Parku i Shtëpisë së Pavarësisë” , një projekt që duket vërtet fantastik, të zhvilloja një komunikim me deputetin tonë, Damian Gjiknuri. U ndjeva mirë kur zoti Gjiknuri jo vetëm e mirëpriti me interes sygjerimin tim por edhe u angazhua për ta diskutuar me studion projektuese për një ndërhyrje apo përshtatje në projekt.

Është një rast fatlum që bashkë me një tjetër mjedis atraktiv, madje krejt të veçantë për nga bukuria, qytetit të Vlorës ti krijohet për të parën herë edhe një infrastrukturë multifunksionale në shërbim të aktiviteteve kulturore e artistike. E mirëpritur veçanërisht për festivalet folklorike të cilët kanë vendin e tyre të pa zëvëndësueshme në fushën e turizmit kulturor por edhe të zhvillimeve kulturore ndërkombëtare si pjesë e axhendës integruese europiane.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button