Orikumi, qyteti antik. Bregdeti i Orikumit është një atraksion shumëdimensional në funksion të turizmit. Qyteza antike e Orikut, e përmendur veçanërisht gjatë Luftës Civile të Romës në vitin 48 p.e.s, mes Pompeut dhe Çezarit, është një vlerë e jashtëzakonshme me interes për turistët, të cilët mund të njihen edhe me gërmimet e reja të realizuara së fundi.
Nga ana tjetër, Kisha unike e Marmiroit, plazhet fantastike dhe restorantet pranë kësaj zone, përbëjnë elementë që i japin turizmit një karakteristikë tepër tërheqëse dhe tipike lokale.