Pak ditë më parë Rajoni i Washingtonit në SHBA u godit nga moti ashpër me stuhi dhe tornado të frkishme. Lidhur me këtë, një prezantues moti teksa ndodhej në transmetim Live duke dhënë motin, në një moment kuptoi se tornadoja po i afrohej shtëpisë së tij. Për këtë arsye ai nuk humbi kohë dhe telefonoi menjëherë fëmijët që të zbrisnin në bodrumin e shtëpisë për t’u mbrojtur.
“Unë po e ndjek këtë nga afër tani, kjo do të shkojë pikërisht mbi shtëpinë time”- dëgjohet të thotë ai dhe nxjerr telefonin për t’iu telefonuar fëmijëve të tij. Kur djali i prezantuesit Doug Kammerer përgjigjet në telefon, ai thotë: “Kent, je atje? Dua që të zbresësh në bodrum. Ne morëm një paralajmërim për tornado. Unë dua të sigurohem që ti dhe Cally të zbrisni poshtë sa më shpejt që të mundeni.” Burimi: UNILAD
