Shkencëtarët nuk janë ende të sigurt se si, por krokodilët ia kanë dalë të mbijetojnë më shumë sesa dinozaurët, që u zhdukën 65 milion vite më parë.

Në fakt, krokodilët kanë qenë gjithnjë të mirë-projektuar për të mbijetuar. Madje krokodilët e sotëm, nuk janë aspak të ndryshëm, nga të dikurshmit që gjenden në fosile.

Një nga teoritë e shumta që rreket të shpjegojë sesi kanë arritur të mbijetojnë për një kohë kaq të gjatë, bazohet në aftësinë e krokodilëve për të qëndruar pa ngrënë për periudha të gjata kohore, në aftësinë e tyre për të mbijetuar në tokë dhe ujë, dhe në faktin që ata mund t’u përshtaten lehtësisht temperaturave shumë të ulëta.