Ylli Didani, 48 vjeç, me origjinë nga Janjari i Konispolit, është shpallur fajtor nga një gjykatë federale në SHBA për drejtimin e një rrjeti ndërkombëtar të trafikut të kokainës dhe pastrimit të parave.
Sipas hetimeve të DEA-s dhe autoriteteve amerikane, Didani drejtonte operacione në SHBA, Amerikën Latine dhe Evropë. Ai akuzohet për shpërndarje droge, përdorim të anijeve ndërkombëtare për trafik dhe komplot për pastrim parash.
Dokumentet gjyqësore zbulojnë se ai bleu një tokë buzë detit në Republikën Dominikane me vlerë 3 milionë dollarë, duke përdorur fonde të trafikut të drogës të transferuara përmes rrjeteve kriminale kineze të njohura si “los Chinos”.
Gjatë hetimit u sekuestruan mbi 3.400 ton kokainë të transportuar në pesë anije, me vlerë mbi 100 milionë dollarë. Gjithashtu u zbulua se Didani dhe grupi i tij kishin projektuar dronë nënujorë për fshehjen e drogës nën anije tregtare që shkonin drejt Evropës.
Aktualisht, ai ndodhet në paraburgim federal në pritje të dënimit dhe përballet me një burgim të përjetshëm.TPZ
