Janë publikuar disa fotografi në rrjete sociale, të stanit të një qytetari nga Suhareka, i cili kishte strehuar refugjatë të shumtë gjatë luftës. Lufta e Kosovës ishte një konflikt i armatosur në Kosovë që filloi në 28 shkurt të vitit 1998, pas sulmit të ushtrisë së Serbisë, në fshatrat Likoshan dhe Qirez në Drenicë të Kosovës, deri në 11 qershor 1999.
Në këtë luftë u dëbuan 800,000 shqiptarë nga territoret e tyre, u vranë 15,000 persona, nga të cilët 2,400 luftëtar të UÇK’së e të tjerët ishin civilë. Gjatë luftës janë zhdukur rreth 5,000 njerëz, fati i shumicës prej tyre është zbardhur deri në vitin 2007, por i madh ka mbetur numri i rasteve të pasqaruara.
Gjatë luftës shumë qytetarë kanë dhënë kontributin e tyre në forma të ndryshme. I tillë është edhe Azem Luzha nga fshati Vraniq i komunës së Suharekës, i cili i shërbeu me bukë e ujë një numri të madh të refugjatëve.
Në stanin që ai e posedonte gjatë luftës, kishte marrë përsipër një numër të madh të njerëzve, ku edhe vendosi që të ju shërbejë.
Fotografitë e publikuara sot nga atje, shihet stani i cili qëndron ende në këmbë, pa marrë parasysh vitet që kanë kaluar.
I ndërtuar me tulla guri dhe me baltë, stani i Luzhës do të vazhdoi të jetë një nga faktet e luftës së fundit, ku shumë njerëz kishin ngrënë e pirë, duke i mbijetuar kështu kësaj lufte. 
