Kjo histori ndodhi tre muaj më parë, në 18 maj 2019 në Matera. Quhet Sokol Berisha, mjeku shqiptar që ishte duke u martuar në momentin kur iu desh të linte nusen në altar dhe të merrte një defibrilator për të shpëtuar jetën e një 60 vjeçari, që ishte shembur pa ndjenja në tokë.
Sokol Berisha sa i kishte “Po”, të dashurës së vet atë ditë feste, kur jashtë pa një njeri të binte në tokë. Në atë moment nuk ngurroi në asnjë moment: “Unë jam mjek”, tha. Dhe kështu ai shpëtoi jetën e një 60-vjeçari. Kjo ndodhi në Matera dhe protagionist i historisë është ky shqiptar i Peruxhias, Sokol Berisha, mjek dhe bashkëthemelues i një shoqërie të madh italiane të mjekësisë së përgjithshme. Dhe është pikërisht kjo shoqëri që në Facebook i ka thurur lavde, e bashkë me të, të gjitha mediat, mjekut në qytetin e gurtë
Doktori shpëtoi një jetë. Episodi ndodhi të shtunën e 18 majit 2019 rreth orës 12:30 jashtë kishës së San Francisko d’Assisi në Matera. Mjeku kishte vetëm disa minuta që ishte martuar me një vajzë nga Matera.
Në qytet atë ditë mbahej takimi i 67-të kombëtar i “Bersaglieri”, një trupe speciale të këmbësorisë italiane dhe një ndër ata që i ndiqnin, u ndie i sëmurë. Doktori Berisha duke u ndodhur në vendin e ngjarjes, vendosi ta përdorë defibrilatorin për masazh kardiak dhe i shpëtoi jetën 60-vjeçarit./SYRI.NET
