Në Vlorë në vendin e qujatr ‘Kriporet e Nartës’, ndodhet një liqen shumë i bukur, të cilit nganjëherë i ndryshon ngjyra dhe jep një pamje mahnitëse. Liqeni nuk e ka këtë ngyrë gjithmonë por vetëm kur thahet uji dhe mbetet vetëm kripa.
Laguna e Nartës dhe Zvërneci gjenden pak kilometra larg qytetit të Vlorës, në pjesën veriperëndimore të tij. Pamja e parë mbi to mund tëmerret madje që në kodrat nga Kriporja deri sa mbërrihet në qytetin e Vlorës përgjatë rrugës që vjen nga Fieri.
Kjo lagunë shtrihet në zonën JL të Gjirit detar të Vlorës dhe ndahet nga deti Adriatik nga një rrip i ngushtë litoral,që përbëhet nga duna aluvionale me gjatësi të përgjithshme rreth 8km dhe gjërësi 100 deri 1400m. Ai është formuar nga akumulimi i pandërprërë i prurjeve të ngurta të lumit Vjosa.
