Lajme

Arrestohet në flagrancë 20-vjeçari shqiptar, shpërndante kokainë natën e Vitit të Ri

Një 20-vjeçar shqiptar është arrestuar natën e ndërrimit të viteve në qytezën e Fidenzas në Itali. I riu u ndalua nga karbinierët për posedim të kokainës me qëllim shitjen e saj.

20-vjeçari rezulton një emër i njohur nga autoritetet në Itali, pasi u ndalua me të njëjtën akuzë në fillim të dhjetorit të kaluar. Ai u vu re në mbrëmjen e vonë të 31 dhjetorit duke drejtuar të njëjtën makinë të kontrolluar më parë, teksa kishte mbërritur në qendër të qytetit i vetëm.

Të alarmuar nga mënyra e drejtimit të makinës, karabinierët e ndoqën me maturi, duke kërkuar mbështetje edhe nga kolegët me rroba civile.

Më tej duke patur dyshime mbi sjelljen e subjektit, i cili endej pa një destinacion të caktuar nëpër rrugët e qytetit dhe duke folur  vazhdimisht në telefon, karabinierët vendosën ta ndalonin dhe ta kontrollonin.

Njëzet vjeçari, duke qenë se në fillim të dhjetorit kishte fshehur disa doza kokainë brenda çakmakut, iu nënshtrua sërish një kontrolli. Kësaj radhe atij iu gjet një zarf me 500 euro dhe me 22 doza kokainë.

Karabinierët e arrestuan me akuzën e posedimit të lëndëve narkotike, me qëllim tregtimin e tyre.

Artikuj të ngjashëm

Leave a Reply

Your email address will not be published.

Back to top button
Close