Covid-19Lajme

Brenda 15 qershorit pasaporta e vaksinimit

Formati i ri dixhital për të shpëtuar sezonin turistikKreu i task forcës në Komisionin Evropian, Thierry Breton, zbuloi për herë të parë në ekran pamjen se si do të jetë pasaporta e parë shëndetësore unike evropiane. Certifikata e re shëndetësore duhet të jetë e disponueshme brenda 15 Qershorit në të dy formatet, atë dixhitale dhe në versionin e shtypur në fletë letre, tha Breton për televizionin francez.

“Ne jemi të sigurt se çdo shtetas evropian që dëshiron të vaksinohet do të ketë qasje në këtë certifikatë shëndetësore që tregon gjendjen e tij. Vënia në funksionim e këtij dokumenti të ri të udhëtimit është planifikuar për në mujin qershor dhe do të lejojë rifillimin e udhëtimeve turistike në të gjithë Evropën”, tha ai.

Në versionin dixhital do të jetë i përfshirë një kod. Krahas tij shkruhet dhe shteti ku jeni vaksinuar dhe detajet kur kjo ka ndodhur. Versioni në letër do të përmbajë detajet personale si emrin dhe datën e lindjes, numrin e pasaportës që është vërtetuar me një kod zbarre, duke detajuar nëse jeni vaksinuar dhe nëse keni qenë bartës i sëmundjes se koronavirusit.

Certifikata, qoftë dixhitale ose në letër, do të lejojë këdo që vaksinohet kundër Covid, ose është rikuperuar nga virusi, të udhëtojë në të gjitha 27 vendet anëtare. Bukseli po punon me Organizatën Botërore të Shëndetësisë për të siguruar njohjen e kësaj certifikate përtej Evropës.

Një pasaportë e gjelbër vaksinimi po funksionon aktualisht në Izrael për të hyrë në hotele, palestra ose teatro për këdo që është vaksinuar ose është rikuperuar plotësisht nga Covid-19. Izraeli ka arritur që qytetarët me këto pasaporta vaksinimi të udhëtojnë praprakisht në Greqi dhe Qipro.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: